Kumbang macan Jamo Tebabeng

Kumbang macan Jamo Tebabeng

Ngemik tebabeng luwah anjak salaino agow nikhew menggan di kebun sei latap kembang, tebabeng ngemik salai di las dan wattew tiyan nikhew mengan tiyan harus ngeliwatei las dan nikhew kebun sei nayah kembang, tebabeng ino tambur ngeliwatei las dan ditengah-tengah lapahhanno tebabeng ngenah kumbang macan sei lagei meneng di unggak batang kering.

Tebabeng ino ngelulih “selamat dawah kumbang macan sei gagah, tabik pun sikam ngeganggew puskam, sikam tebabeng sei nyalai di las ino dan tano sikam lagi dilem perjalanan agow nikhew kebun sei latap kembang pakai ngakuk sareino, nyow kah puskam kanjak ngenah kebun ino?”

Baca Juga: Tano Kak Wat Bus dak Way Kambas

Kumbang macan ngejawab ”tebabeng, selamo nyak tambur nyak mak ket ngenah kebun sei nayah kembang di luah las ijo. Anying  nyak kak anjak nengei kabar anjak uding bahwo diluah las ino wat beng si latap jamo kembang, anying jarak anjak las ijo yo jaweh temen, nikew harus ngeliwatke nayah rittangan sei sulit. Lamun nikew agow dak nei nyak munih agow dak nei. Kudengeike dinnei kaban uding jamo kumbang macan kuppul.”

Tebabeng setujew agow lapah jamo kumbang:” ya, ikam agow temen dak nei jamo sekam, lamun wat rintangan yo gham dapek jamo-jamo ngataseine.” Sekhadew tiyan bebalah tiyan lapah bareng dak beng sei di cawoke ino, awalno lapahhan tiyan mak ko hambatan sei ngemik bahayo.

Anying pas kumbang macan lagei istirahat di ratting kayew yo teko-teko wat bunglon meggekh nyerang agow mengan kumbang ino. Tebabeng sei ngenah kejadian ino laju mak mikir wo tigo kalei lagei laju nyucukke senato di tumbung no. Bunglon sei tekanjat jamo kesakiaan ino laju ngelepaske kumbang dan yo tuyun ngejaweh anjak tiyan wo. Selamatlah si kumbang.

Baca Juga: Asal Usul Kota Lampung

Sekhadew kejadian ino tiyan ngelajewke lapahhan dan ditengah lapahhan ino tebabeng wayah lingah, yo numbur salai lawwah sei gegeh jaring. Apo gaweh sei keno jaring ino yo laju lekek di bagian si keno jaring. Tebabeng mak dapek ngelepaske direine anjak jaring ino. Lawwah andel keliwat, yo mahho kedek-kedek ngenah tebabeng sei mak ko dayo. Yo makhek ke tebabeng ago ngikekke jaring ino lebih kuat supayo tebaben cepet matei. Ngenah keadaan ino, kumbang laju numbur ke badanno sei peggeng gegeh besei ino dak salai lawwah, salai ino tabuy tayar diacak-acakno. Sikkat cerito, selamatlah tiyan wo anjak jaring lawah.

Tano tiyan ngelajewke lapahhan tigeh di beng sei diceritoke kaban uding, tiyan tekanjat pas ninuk matei nayah kembang sei mak tepikirke ulah tiyan. Di lem perjalanan ino tiyan sakai sambayan ngadepei segalo rintangan dan tano tiyan dapek ngekhasoke bangikne hasil perjuangan tiyan wo.

Disadur dari: dongengceritarakyat.com

Recommended For You

About the Author: Guntur Subing

Memiliki hobi tulis menulis dan mengelola blog. Moto; "Bersemangat dalam Pengembangan Diri dan Terus Belajar Sampai Akhir Hayat"

Tinggalkan Balasan

Alamat email Anda tidak akan dipublikasikan.